اهلين حياك اخووي الحر الاشقر وانا بعد لي الشرف والله بتعرفي عليك وشرواك الطيب
ونبدأ بسم الله بالاجابة على الاسئلة وخف علي شوي الحر خخخخخخخخ
أ) اذكر (المواقف) التالية التي مرت في حياتك ولاتنساها ابدآ :
والله بصراحة فيه عدة مواقف ماانساها ابدا وهي كالتالي:
1-مرة كنت اصور جسر الجمرات بالحج بس من مكان بعيد ووقتها الحجاج كانو يموتو من الزحمة ومااحس الا اثنين وراي من المباحث طبو علي وهاتك تحقيق معاي واقول بقلبي الله يستر وبالاخير قلت لهم خذو الجوال لكم من الفجعة ههههههههههههههه
2-مرةكنت اتفرج مع الوالد مباراة بين الاتحاد والاهلي وانا طبعا اتحادي والوالد اهلاوي.ويومتها فاز الاتحاد وجلست اغني واصيح ياكلك ومااحس الا الوالد بالعكاز براسي هههههههههههههههههه والله يومتها شفت الحسن كيتا ابيض من قوة الضربة هههههههههههههه
3-مرة كنت بمنى بالمخيم نايم وفجأة جاني اتصال بالفجر من ولد عمي يقولي الوالدة تبيك وتبي اخوانك هي بالمستشفى .وانا وقتها خلاص شوي وامووت وربي من الفجعة ورحت لها وكانت حالتها مررة سيئة وبين الحياة والموت بس الحمدلله قامت بالسلامة
ب ) هل تحققت أمانيك في طوال عمرك..؟
بصراحة ماتحققت الا عشرين بالمية منها بس نقول الحمدلله على كل حال والحمدلله على الصحة والعافية
ج ) وما هي أحلامك في الأعوام المستقبلية..؟
اول حلم اتمنى تكون عندي فلة مطلة على البحر عشان اعيش باقي عمري فيها
ثاني حلم اتمنى اتزوج وحدة تحبني لدرجة الجنوون وتغار علي بجنوون
د ) ما هي المعلومة التي أطلع عليها إرحل ويريد أن يعلمها الجميع ؟
بصراحة المعلومة هي اني ارتحت لكم عن جد وحبيتكم من كل قلبي واتمنى انكم ماتقطعو وتكملو المسيرة معانا
هـ ) أذا جُرحت من شخص قريب لك جدا وشلون يتصرف إرحل..؟
اواجهه على طول واعاتبه وازعل عليه ويمكن ابتعد عنه لفترة مؤقتة او اقطعه مدى الحياة بس راح اسامحه ولاراح اشيل بقلبي عليه
و ) لو ملك إرحل العالم يوم واحد .. وش راح يسوي ..؟
اساوي الفقير بالغني واعدل بين الناس وانهي الظلم واكل حقوق الناس
س ) ما نقطة ضعف إرحل ..؟
نقطة ضعفي اعصب على طول واتنرفز بس ماتطول عندي العصبية على طول ابرد وارجع اهدأ
وفيني نقطة ثانية بس يعتبر مدح فيني. ويقول المثل مادح نفسه كذاب فعشان كذا ماراح اتطرق لها
ح) ماهو السؤال الذي يخاف إرحل يسأله أحد الأعضاء ..؟
بصراحة مافي خوف من اي سؤال ولا من اي ملاحظة تلاحظوها علي بالعكس اكون مبسووط بأسألتكم لي وبصراحتكم معاي وبأنتقادكم لي
ط) متى يحس إرحل بالضعف والأستسلام لدموعه ..؟
عند توديع الاحباب او فقدان انسان عزيز على قلبك او الرجوع لذكريات الطفولة بالحارة وذكريات المدرسة
ي) ماهي الميزه الذي يمتلكها إرحل ولا يعرفها معظم الناس عنك..؟
الميزة اللي فيني شديد الملاحظة وقوتي الشخصية في مكان عملي
بصراحة معظم الشباب يعرفوني مزوحي وحق ضحك وتريقة بس بمكان عملي اكون جدي وشخصيتي تتغير مليون بالمية وفيني قوة تحمل اذا اشتغلت وهذي الميزة ماحد يعرفها فيني
ك) غرفتك المفضله ..المكان المفضل فيها .. قناتك المفضله .. برنامجك المفضل ..؟
بصراحة ماعندي اشياء افضلها يعني انام بأي غرفة قدامي واما قناتي المفضلة هي قنوات الرياضة وبرنامجي المفضل نادي الاتحاد لووووووووول لاني مااتابع غير الكورة وبس
ل) أذا طلب من إرحل تغير اسمه وش راح يختار..؟
اختار نك كرتوني مثل كراش او سنفور خخخخخخخخخ
م) مارأيك في المنتدى بكل صراحه .. وماذا تقترح لـ تطويره..؟
والله والله والله المنتدى من احسن مايكون وفيه اعضااء مررررررررررررررررررة حلووين ومررة مبسوط معاهم ومرتاح معاهم واحبببهم من كل قلبي واتمنى من رب العالمين انهم يكملو ولا يقطعوو عننا
المنتدى لسه في بدايته واتمنى من الاعضاء التواجد دايما والردود على المواضيع عشان يكون فيه حماس وتعارف بين الاعضاء
بصراحة اتمنى لو نجتمع بيوم بالاسبوع نناقش فيه اوضاع المنتدى وايش السلبيات والايجابيات فيه عن جد اتمنى الشي هذا يصير
ن) ماذا تعني لك هذه الكمات :-
القلم يعبر عن مشاعري ويبوح بأسراري
الأنترنت ونيسي بأوقات الطفش خخخخخخخخخخ
البحر صديق العمر والمكان اللي اشكي فيه همومي
الورد لغة المحبين ولغة الاعجاب والاعتزاز بالشخص الاخر
الحب سلطان و لذة الحياة ولذته في عذابه
الصديق انسان احتاج اليه في اصعب الاوقات وهو في مثابة الاخ
وكما قال المثل الصديق وقت الضيق
واشكرررك كثير الشكر على الاسألة الرائعة الحر الاشقر
تمنياتي لك بالتوفيق
واشكرك ناثرة على المرور يعطيكي العافية
الإهداءات
10-30-2007, 03:39 PM
العرض العادي
