وصّيتْ قلبي عليك وفكري وظنِّي
ان غبت عنهم عليك عتابهم هادي
ما ودِّي تجرح شعورك كلمةٍ منِّي
وانته حياتي وعمري وومهجةْ فوادي
ودي تعيش العمر راضي ومتهنِّي
مرفوع راسك عليك العز متبادي
يا تاج راسي وانته منِّي وعنِّي
تامر وتنهي وامرك أول البادي
من كثر خوفي عليك الخوف يمحنّي
وافقد شعوري واشوفك غاية مرادي
ان غاب صوتك أناجي الليل واونِّي
واتخيِّلك واتذكّر هامةْ بلادي
مديون لك بالغلا والحب مشجنِّي
يا مستحل الفواد العاشق الغادي
من يشبهك في البشر يا ذوقي وفنِّي!!
يا راحتي وبسمتي وموتي وميلادي
وصّيتْ قلبي عليك وقال مبلنِّي
واحذر غيابك على قلبي مَهُبْ عادي
وصّيتْ قلبي عليك وفكري وظنِّي
ان غبت عنهم عليك عتابهم هادي

سلمت ايدك نونا حبيبتي .. بس يا حبيبة قلبي اتمنى الموضوع الجاي يكون فيه المصدر وشكرا الك يا عسل